Home About Us EJournal EBooks Bibliographies Bible Proverbs Quotations Games Proverbium Paremia line Twitter
 



Appearances are deceptive.

Click here to see/listen to the equivalent proverb in:
rss 2.0
Subscribe
Unsubscribe
Send the proverb of the day to a friend
Daily Quote :
The modern woman is the curse of the universe. A disaster, that's what. She thinks that before her arrival on the scene no woman ever did anything worthwhile before, no woman was ever liberated until her time, no woman really ever amounted to anything.
--Get Details
( Johns, Adela Rogers St. | Feminism )



De Proverbio - Electronic Journal of International Proverb Studies. Proverbs, Quotations, Sayings, Wellerisms.

Proverbia XXV

Capitulum XXV

  1. haec quoque parabolae Salomonis quas transtulerunt viri Ezechiae regis Iuda

  2. gloria Dei celare verbum et gloria regum investigare sermonem

  3. caelum sursum et terra deorsum et cor regum inscrutabile

  4. aufer robiginem de argento et egredietur vas purissimum

  5. aufer impietatem de vultu regis et firmabitur iustitia thronus eius

  6. ne gloriosus appareas coram rege et in loco magnorum ne steteris

  7. melius est enim ut dicatur tibi ascende huc quam ut humilieris coram principe

  8. quae viderunt oculi tui ne proferas in iurgio cito ne postea emendare non possis cum dehonestaveris amicum tuum

  9. causam tuam tracta cum amico tuo et secretum extraneo non reveles

  10. ne forte insultet tibi cum audierit et exprobrare non cesset

  11. mala aurea in lectis argenteis qui loquitur verbum in tempore suo

  12. inauris aurea et margaritum fulgens qui arguit sapientem et aurem oboedientem

  13. sicut frigus nivis in die messis ita legatus fidelis ei qui misit eum animam illius requiescere facit

  14. nubes et ventus et pluviae non sequentes vir gloriosus et promissa non conplens

  15. patientia lenietur princeps et lingua mollis confringet duritiam

  16. mel invenisti comede quod sufficit tibi ne forte saturatus evomas illud

  17. subtrahe pedem tuum de domo proximi tui nequando satiatus oderit te

  18. iaculum et gladius et sagitta acuta homo qui loquitur contra proximum suum testimonium falsum

  19. dens putridus et pes lapsus qui sperat super infideli in die angustiae

  20. et amittit pallium in die frigoris acetum in nitro et qui cantat carmina cordi pessimo

  21. si esurierit inimicus tuus ciba illum et si sitierit da ei aquam bibere

  22. prunam enim congregabis super caput eius et Dominus reddet tibi

  23. ventus aquilo dissipat pluvias et facies tristis linguam detrahentem

  24. melius est sedere in angulo domatis quam cum muliere litigiosa et in domo communi

  25. aqua frigida animae sitienti et nuntius bonus de terra longinqua

  26. fons turbatus pede et vena corrupta iustus cadens coram impio

  27. sicut qui mel multum comedit non est ei bonum sic qui scrutator est maiestatis opprimitur gloria

  28. sicut urbs patens et absque murorum ambitu ita vir qui non potest in loquendo cohibere spiritum suum

Next Chapter

Biblia Vulgata (Network Version, 1994)

Cross References: English, French, German, Italian, Spanish



 
Articles | Books | Bibliographies | Bible Proverbs
Copyright © 1995-2017 De Proverbio. All rights reserved.
The banner illustration is a fragment of Pieter Bruegel's painting "The Netherlandish Proverbs", 1559